Årets matkulturbloggar 2020

Julemiddagen vart tilberedt på undervisningskjøkkenet rett før jul og vi kosa oss for siste gong i lokala før det kjøkkenet vårt vert totalrenovert på nyåret. Studentane serverte vårt eige heimelaga julemåltid med pinnekjøt, mørpølser, medisterpølser, rabbestappe, surkål, gode poteter, ripssaft, riskrem, raud saus og nysteikte krumkaker! Bordet var nydelig dekka, og det både lukta og smakte himmelsk sunnmørsk jul!

Julemiddag på Mat, kultur og konservering. Foto: Kari Ryslett

Det er 11 ulike bloggar om 4 ulike tema lenka til denne studiebloggen, det vil seie 44 blogginnlegg. Studentane har avgitt sine stemmer og kåra vinnarane av bloggkonkurransen i dei ulike kategoriane. Resultatet vart slik:

Årets matkulturbloggar: Cecil Elisabet Nerbø
Beste blogginnlegg om sylting, safting og  hermetisering: Eva Nøstdal
Beste blogginnlegg frå familiedagen på Haualeite (denne katoegorien hadde heile 3 vinnar): Merethe Trones, Andrine Håndlykken Vikebakk og Hilde Wenge
Beste blogginnlegg om tradisjonsbakst: Hege Marie Pedersen
Beste blogginlegg om konservering av kjøt: Andrine Håndlykken Vikebakk

Sjå omtale på HVO veven om Årets matblogg. 

Vi ønsker alle våre studentar ei riktig god jul og eit godt nyttår!

Beste helsing Kari 

Bloggpremiane er på plass!

No er det to blogginnlegg igjen å presentere og deretter er det duka for bloggfinale Dette er vår eiga interne kåring av årets matkulturbloggar og dei beste bloggane i ulike kategoriar.  

Dette skjer på den siste samlinga før jul og alle studentane skal stemme anonymt på samling onsdag 25.november. Utdeling av premiar, heder og ære skjer under julemiddagen fredag 27. november. 

Husk at de heile tida kan endre på bloggen, både tekst og bilder for å gjere den bedre. 

Bloggpremiar 2020.

Kategoriane er:

1. Beste blogginnlegg om sylting, safting og hermetisering
2. Beste blogginnlegg frå familiedagen på Haualeite
3. Beste blogginnlegg om takke- og tradisjonsbakst til julehøgtid
4. Beste blogginlegg om konservering av kjøt

5. Årets matkulturbloggar

Kriteria er: gode bilde, lesbar tekst, bra faglig nivå og rett og slett di subjektive meining om korleis som er eit ryddig og kjekt blogginnlegg ser ut!

Kven kan stemme? Alle studentane skal stemme anonymt på alle kategoriane, onsdag 25.november 2020. Lærarane Kari og Marianne har dobbeltstemme.

Husk på at når bloggane din er vurdert er den din eigedom. Du kan slette bloggen, endre den, viderutvikle den eller lage deg ny blogg. Eg foreslår at fagbloggen kan ligge att på internett som eit digitalt spor etter deg. Kanskje fagbloggen kjem deg til nytte ein dag?

Beste helsing Kari Ryslett

Velkommen til Mat, kultur og konservering hausten 2020

Det er alltid spannande med nye studentkull på Mat, kultur og konservering og iår var ein skikkelig fin gjeng som var samla på kjøkkenet. Takk for ei trivelig samling med safting, sylting og hermetisering ved Høgskulen i Volda.

Mat, kultur og konservering 2020-2021. Foto Kari Ryslett.

No har alle fått bloggadresse og de vert etterkvart godt kjende med verktyet. På din blogg kan du skifte layout, heading, fargar og finpusse på din profil. Det viktigaste du skal gjere fagleg er å lage ein tekst med kjeldetilvisningar og å sette inn bilder eller film. Den kan vere lurt å skrive teksten i Word og samle saman bilda eller lenkene før set saman og publiserer blogginnlegget ditt.

Husk at bloggen er DIN, du bestemmer utforming, bilder, tekst og har kontroll på ditt kommentarfelt – dersom du ikkje likar ein kommentar så slett den. 

Lykke til med produkta som du skal lage og dokumentere fagleg på bloggen din!

Beste helsing Kari Ryslett

Populære innlegg fra denne bloggen